Rydym yn darparu Gwasanaeth Cefnogi Taliadau Uniongyrchol ar gyfer pobl sy’n byw yn Ynys Môn. Mae Taliadau Uniongyrchol yn fodd o dalu am anghenion gofal a chefnogaeth sy’n rhoi mwy o reolaeth i’r person. Mae’r Gwasanaethau Cymdeithasol yn asesu anghenion y person, yn gweithio allan faint fyddai’n ei gostio i gwrdd â’r anghenion hynny, ac wedyn yn rhoi’r arian i’r person er mwyn iddyn nhw gael rheolaeth drosto. Taliad Uniongyrchol yw’r enw ar yr arian hwn. Am fwy o wybodaeth, ewch i wefan Cyngor Ynys Môn.

Gallwn helpu pobl sy’n derbyn Taliadau Uniongyrchol, neu sy’n edrych i mewn i Daliadau Uniongyrchol. Mae ein Gwasanaeth Cefnogaeth yn darparu gwahanol lefelau o gefnogaeth, yn dibynnu ar beth mae’r person eisiau.

Gallwn:

• Helpu pobl ddeall beth yw Taliad Uniongyrchol a sut bydd yn effeithio arnyn nhw
• Helpu pobl drefnu Taliad Uniongyrchol
• Rhoi pobl mewn cysylltiad â mudiadau eraill sy’n gallu cynnig cyngor a chymorth ffurfiol
• Rhoi cefnogaeth a chyngor ynglŷn â chyfrifoldebau’r person
• Gefnogi cyflogres a rhywfaint o’r gwaith gweinyddol
• Darparu Cyfrifon wedi’u Rheoli
• Rhoi cefnogaeth eiriolaeth i gadw’r Taliad Uniongyrchol yn gweithio’n effeithiol

Cyfrifon wedi’u Rheoli

Mae rhai pobl ar Daliadau Uniongyrchol eisiau cefnogaeth i reoli taliadau staff a’r gwaith gweinyddol sy’n rhan o hynny. Mae ein gwasanaeth Cyfrifon wedi’u Rheoli yn golygu bod GACGC yn cadw’r arian Taliad Uniongyrchol mewn cyfrif diogel. Rydym wedyn yn gwneud y taliadau i’r staff cefnogol ac yn gofalu am gyfraniadau Yswiriant Gwladol a gofynion HMRC eraill.